Maqsad

Ko‘rish xotirasi va diqqat barqarorligini rivojlantirish; predmetlarni nomlash va farqni so‘z bilan ifodalash.

Kerakli jihozlar

• Poднos yoki stol.
• 5–8 ta tanish predmet: qoshiq, kubik, mashina, olma, qalam, taroq, koptok, qo‘g‘irchoq.
• Mato yoki salfetka.

O‘tkazish tartibi

1. Predmetlar stolga qator qilib teriladi. Bolalar ular bilan tanishadi va har birini nomlaydi.
2. «Ko‘zni yumamiz» — bolalar ko‘zini yumadi (yoki tarbiyachi matoni yopadi).
3. Tarbiyachi bitta predmetni oladi yoki ikkitasining o‘rnini almashtiradi.
4. «Ko‘zni ochamiz. Nima o‘zgardi?» — bola javob beradi va to‘liq gap tuzadi: «Qoshiq yo‘qoldi».
5. To‘g‘ri topgan bola keyingi safar «boshlovchi» bo‘ladi.

Murakkablashtirish

• Predmetlar sonini 10–12 taga oshirish.
• Bir vaqtda ikkita o‘zgarish kiritish.
• Predmet o‘rniga rangli kartochkalar ketma-ketligidan foydalanish.

Kutilayotgan natija

Bola 6–8 predmetni eslab qoladi va o‘zgarishni mustaqil topib, to‘liq gap bilan aytadi.